آندھرا پردیش کے نیلور میں سڑک حادثہ، 8 افراد ہلاک

آندھرپردیش کے ضلع نیلور میں آج صبح ایک درد ناک سڑک حادثہ پیش آیا جس میں تمل ناڈو کے 8 افراد ہلاک ہوگئے۔

بوچیریڈیپالم منڈل کے دمارماڈگو میں ایک ٹیمپو گاڑی لاری سے ٹکرا گئی۔

ٹیمپو میں کل 14 افراد سوار تھے۔

اس حادثے میں 7 افراد کی موقع پر ہی موت ہوگئی، جب کہ ایک شخص کی ہسپتال لے جاتے وقت راستے میں موت ہوگئی۔

حادثے میں ہلاک ہوئے افراد کا تعلق تمل ناڈو سے ہیں، یہ حادثہ اس وقت پیش آیا جب وہ سریسیلم سے نیلور جارہے تھے۔ ہلاک ہونے والوں میں پانچ خواتین اور تین مرد شامل ہیں۔