زائد قیمت پر شراب فروخت کرنے والوں کے خلاف کارروائی

نوئیڈا ڈسٹرکٹ مجسٹریٹ سہاس ایل وائی کی ہدایت کے بعد محکمہ ایکسائز حرکت میں آگیا ہے۔

نوئیڈا میں شراب کو زائد قیمت پر بیچنے والوں کے خلاف محکمہ ایکسائز کی جانب سے سخت کاروائی کی جارہی ہے اور انہیں لائسنس منسوخی کا نوٹس جاری کیا جارہا ہے۔

ضلع ایکسائز آفیسر گوتم بودھ نگر نے ریجنل ایکسائز انسپکٹر کے ساتھ مل کر شراب کی دکانات کا معائنہ کیا اور زائد قیمت وصول کرنے والی 58 دکانوں کا لائسنس منسوخ کردیا گیا اور اندرون سات یوم وضاحت پیش کرنے کا حکم دیا گیا۔

ڈسٹرکٹ ایکسائز آفیسر راکیش بہادر سنگھ نے بتایا کہ ضلع میں محکمہ ایکسائز کے اہلکار شراب کو زائد قیمت پر فروخت کرنے والوں کے خلاف کاروائی سخت کاروائی کو یقینی بنارہے ہیں۔