دارالحکومت دہلی میں کورونا وائرس کے انفیکشن کے واقعات میں مسلسل اضافہ ہورہا ہے۔ اب انڈین میڈیکل ایسوسی ایشن کی جانب سے کورونا انفیکشن کی خبر سامنے آئی ہے۔ واضح رہے کہ آئی ٹی او کے ہیڈ کوارٹرز میں کام کرنے والے تین ملازمین کورونا سے متاثر پائے گئے ہیں۔
دراصل انڈین میڈیکل ایسوسی ایشن کے تینوں ملازمین کو کچھ دنوں سے بخار کی شکایت تھی۔ ایسی صورتحال میں ان کا کورونا ٹیسٹ کرایا گیا، جب پیر کو رپورٹ آئی تو پتہ چلا کہ تینوں کورونا سے متاثر ہیں۔ جس کے بعد انہیں ہسپتال میں داخل کرایا گیا ہے۔
ایسوسی ایشن کو موصولہ اطلاعات کے مطابق ان تین ملازمین میں سے ایک کی حالت تشویشناک ہے اور ایسی صورتحال میں انہیں آل انڈیا انسٹی ٹیوٹ آف میڈیکل سائنسز میں داخل کرایا گیا ہے۔ انہیں آئی سی یو میں رکھا گیا ہے۔ فی الحال ان تینوں کے ساتھ رابطے میں آنے والے لوگوں کا بھی پتہ لگایا جارہا ہے۔