معلومات کے مطابق جمعہ کے روز جامع مسجد کے سامنے سی اے اے کے خلاف ایک احتجاجی مظاہرہ کیا گیا۔ جمعہ کی نماز کے بعد دریا گنج پولیس اسٹیشن کے باہر دہلی گیٹ پر مظاہرین کی ایک بڑی تعداد جمع ہونا شروع ہو گئی۔ یہاں مظاہرین نے شام تک مظاہرہ کیا۔ پولیس اور مقامی لوگوں کے سمجھانے کے بعد مظاہرین نے شام کو ہی احتجاج ختم کر دیا لیکن اس کے فورا بعد ہی مظاہرین شمال مشرقی دہلی سے یہاں آئے۔ ان لوگوں نے یہاں ہنگامہ آرائی شروع کر دی۔ وہ جنتر منتر اور انڈیا گیٹ جانے کی ضد کر رہے تھے۔ پولیس کی ٹیم نے مظاہرین کو سمجھانے کی کوشش کی لیکن وہ اپنی ضد باز نہیں آئے۔
دریا گنج پولیس اسٹیشن کے پاس مظاہرہ کرنے والے 15 لوگ گرفتار کہا جا رہا ہے کہ احتجاج کے دوران مظاہرین نے پولیس پر پتھراؤ شروع کر دیا۔ پولیس نے بھیڑ کو منتشر کرنے کے لیے واٹر کینن کا استعمال کیا۔ اسی دوران ڈی سی پی آفس کے سامنے ایک شخص نے نجی کار کو نذر آتش کر دیا۔ آتش زنی کے بعد جب پولیس نے ہلکی طاقت کا استعمال کیا تو مظاہرین فرار ہوگئے۔ پولیس نے یہاں سے 40 افراد کو حراست میں لیا تھا جن سے اس پورے معاملے کے بارے میں پوچھ گچھ کی گئی۔ پوچھ گچھ کے بعد ان میں سے 15 افراد کو دریا گنج پولیس نے گرفتار کیا ہے۔ اس واقعے میں 13 پولیس اہلکاروں سمیت 45 افراد زخمی ہوئے ہیں۔
پولیس حراست میں لیے گئے افراد کی رہائی کا مطالبہ کرنے کے لیے بھیم آرمی کے صدر چندر شیکھر آزاد سمیت بڑی تعداد میں لوگوں نے دیر رات تک مظاہرہ کیا۔ دہلی پولیس نے جامع مسجد کے پاس سے چندر شیکھر آزاد کو بھی تحویل میں لے لیا ہے۔
