اسپتال کے احاطے سے خاتون کی پھانسی سے لٹکتی لاش برآمد

ریاست چھتیس گڑھ کے دھمتری شہر کے ایک نجی اسپتال کے سپرانٹنڈنٹ کی نوکرانی کی پھندے سے جھولتی لاش برآمد کی گئی۔

پولیس ذرائع کے مطابق کیس کی جانچ کی جارہی ہے۔ کوتوالی پولیس کے مطابق صنعتی علاقے میں واقع اسپتال کے سپرنٹنڈنٹ کل شام اپنی رہائش گاہ پہنچے تو انہوں نے نوکرانی کے کمرے میں آواز لگائی۔

جب انہیں کوئی ردعمل نہیں ملا تو تشویش ہونے پر انہوں نے اس کی اطلاع پولیس کو دی۔

پولیس نے موقع پر پہنچ کر دیکھا تو سلوچنا (20) کی لاش پھانسی سے لٹک رہی تھی جس کے بعد پولیس نے کمرے کو سیل کردیا، بعد از لاش کو تحویل میں لے کر آج پوسٹ مارٹم کی کارروائی انجام دی جائے گی۔ لڑکی کانکیر ضلع کی رہنے والی تھی۔ اس کے گھر والوں کو اطلاع دے دی گئی ہے۔