سڑک حادثہ میں دو نوجوان ہلاک، ایک زخمی

نامعلوم گاڑی کی زد میں آنے سے موٹر سائیکل پر سوار دو نوجوانوں کی موت ہوگئی جبکہ دیگر ایک زخمی ہوگیا۔

دھمتری: چھتیس گڑھ کے ضلع دھمتری کے نگری تھانہ علاقے میں نامعلوم گاڑی کی زد میں آنے سے موٹرسائیکل سوار دو نوجوانوں کی موت ہوگئی اور ایک زخمی ہوگیا۔

پولیس ذرائع نے کے مطابق ضلع کے سہاوا تھانہ علاقہ کے منہا کوٹ گاؤں کے رہائشی کیلاش گذشتہ رات اپنے دو دوستوں کے ساتھ موٹرسائیکل سے ڈونگر ڈولا میں ایک شادی کی تقریب میں شرکت کرنے جارہے تھے۔

اس دوران ادھر نگری تھانہ علاقے میں دلدلی موڑ کے نزدیک ان کی موٹرسائیکل کو کسی نامعلوم گاڑی نے ٹکر ماردی، جس سے کیلاش اور ایک دیگر نوجوان کی موقع پر ہی موت واقع ہوگئی۔

پولیس نے معاملہ درج کر کے تحقیقات شروع کر دی ہے۔