پولیس اور ماؤنواز میں تصادم، دو فوجی جوان ہلاک

ریاست چھتیس گڑھ کے ضلع بستر کے شہر جگدلپور میں پولیس اور نکسلیوں کے مابین تصادم میں دو فوجی جوان ہلاک جبکہ ایک زخمی ہوا ہے۔

چھتیس گڑھ کے بودلی اور مالیواہی میں پولیس اور ماؤ نوازوں کے مابین تصادم ہوا جس میں دو فوجی جوان ہلاک ہوگئے وہیں ایک سی آر پی ایف جوان زخمی ہوا ہے جسے دنتے واڑد کے ہسپتال میں داخل کرایا گیا ہے۔

ہلاک فوجی جوان سی آر پی ایف کی 195 ویں بٹالین کے بتائے جا رہے ہیں، جن میں ایک کا نام اوپیندر ساہو اور دوسرے کا دیویندر سنگھ بتایا جا رہا ہے، یہ دونوں ہیڈ کانسٹیبل کے عہدے پر فائز تھے۔

آئی جی سندر راج نے اس واقعہ کی تصدیق کی ہے۔