جئے شری رام کے نعرے پر پابندی، سرپرستوں کا احتجاج

چھتیس گڑھ کے ضلع کانکیر میں ایک معروف انگلش میڈیم کے نئے پرنسپل پر دعا میں طلبأ کے جے شری رام کہنے پر پابندی لگانے کے خلاف طلبا کے سرپرستوں نے اسکول میں احتجاج کیا ۔

یہ اطلاع جب بچوں کے سرپرست اورسخت گیر ہندو تنظیموں کے کارکنان کو ملی تب وہ فوراً اسکول پہنچے لیکن اس وقت پرنسپل نے ایسی کوئی بھی پابندی لگانے کی بات سے انکار کردیا اور پرنسپل نے ان کے سامنے ہی بچوں سے جئے شری رام کے نعرے لگوائے۔

سوشل میڈیا کے ذریعے ہر جگہ یہ بات پھیل گئی کہ سینٹ جوزف اسکول میں بھارت ماتا کی جئے جیسے نعرے لگانے پر اسکول پرنسپل نے پابندی لگائی ہے۔

اسکول میں سرپرست اور سخت گیر ہندو تنظیموں کے کارکنان کے پہنچنے کی خبر سن کر پولیس بھی حرکت میں آگئی، موقع پر پولیس کے اعلی افسران پہنچے، حالات کی کشیدگی کو دیکھتے ہوئے پورے علاقے میں بڑی تعداد میں پولیس کو تعینات کیا گیا ہے۔

واضح رہے کہ اسکول کے نئے پرنسپل نے اس بات کو سرے سے مسترد کرتے ہوئے کہا ہے کہ اگر ان سے کوئی غلطی ہوئی تو انھیں معاف کریں۔