ماؤنوازوں کے حملے میں ایک جوان زخمی

چھتیس گڑھ کے ضلع نارائن پور کے پُسپاس گاؤں کے پاس پولیس فورس اور ماؤنوازوں کے درمیان تصادم میں ایک نوجوان زخمی ہو گیا، جسے علاج کے لیے ہیلی کاپٹر سے رائے پور بھیجا گیا ہے۔

پولیس ذرائع کے مطابق نارائن پور ضلع کے کڈے میٹا کیمپ سے مسلح پولیس فورس اور ضلع ریزرو فورس کے جوان گشت پر نکلے تھے۔ پُسپاس گاؤں کے جنگل کے قریب پہنچتے ہی پہلے سے ہی گھات لگائے بیٹھے ماؤنوازوں نے پولیس پر فائرنگ شروع کر دی۔

دونوں طرف سے تقریبا ًنصف گھنٹے تک فائرنگ ہوئی جس کے نتیجے میں جوان سنجے زخمی ہو گیا۔ اسے ہیلی کاپٹر سے رائے پور روانہ کیا گیا ہے۔ سرچنگ کے دوران ماؤنواز کیمپ میں کافی گولہ بارود برآمد کیا گیا۔