Bhupesh Baghel Slams Modi Govt مودی حکومت مرکزی فورسز کا غلط استعمال کر رہی ہے، بگھیل

بھوپیش بگھیل نے مودی حکومت پر تنقید کرتے ہوئے کہا کہ 'مودی حکومت ای ڈی، سی بی آئی اور انکم ٹیکس جیسی ایجنسیوں کا اپنے سیاسی مخالفین کے خلاف غلط استعمال کر رہی تھی اب اس نے مرکزی فورسز کا بھی غلط استعمال شروع کر دیا ہے۔' Bhupesh Baghel Slams Central Govt

رائے پور: چھتیس گڑھ کے وزیر اعلی بھوپیش بگھیل نے مودی حکومت پر مرکزی ایجنسیوں کے ساتھ ہی مرکزی فورسز کے بھی غلط استعمال کا الزام لگایا ہے۔ بگھیل نے صحافیوں سے بات چیت میں کہا کہ مودی حکومت ای ڈی، سی بی آئی اور انکم ٹیکس جیسی ایجنسیوں کا اپنے سیاسی مخالفت کے خلاف غلط استعمال کر رہی تھی اب اس نے مرکزی فورسز کا بھی غلط استعمال شروع کر دیا ہے۔ مرکزی ایجنسیاں چھاپے کی کارروائی میں مرکزی فورسز کو بغیر ریاستی حکومت کی اجازت لے کر پہنچ رہی ہے۔ یہ سب صرف اپوزیشن پارٹیوں کی ریاستی حکومتیں ہیں وہیں پر یہ ہو رہا ہے۔ Bhupesh Baghel Slams Central Govt

انھوں نے کہا کہ قانون و انتظام کا مسئلہ ریاستوں کا ہے۔ مرکزی ایجنسیاں مرکزی فورسز کہیں پر کاروائی کر رہی ہیں تو یک طرفہ نہیں بلکہ ریاستی حکومتوں کے ساتھ کو آرڈینیشن ہونا چاہیے۔ انھوں نے مرکزی فورسز کے استعمال کے لئے قانون میں بدلاؤ کے وزیر داخلہ کے چنتن شیویر میں اشارے کے بارے میں پوچھے جانے پر کہا کہ کیا مسودہ ہے بغیر اسے جانے تبصرہ کرنا مناسب نہیں ہے۔

بگھیل نے ایک سوال کے جواب میں کہا کہ مودی حکومت کے دور میں کئی نئی تعریفیں گڑھی گئی ہے جیسے کہ اگر کوئی بی جے کے خلاف ہے تو وہ مذہبی مخالف اور اگر کوئی وزیر اعظم اور وزیر داخلہ امت شاہ کے خلاف ہے تو وہ ریاستی مخالف ہے۔ انھوں نے کہا کہ چھتیس گڑھ میں کام کرنے والی سینئر ترجمان سدھا بھاردواج کے خلاف کاروائی بڑی مثال ہے۔

یو این آئی