بی ایس پی کے امیدوار نے کانگریس کی حمایت کا اعلان کیا

چھتیس گڑھ کے رائے پور پارلیمانی حلقے سے بہوجن سماج پارٹی کے امیدوار کھلیشور ساہو نے انتخابی میدان سے ہٹنے اور کانگریس کے امیدوار کی حمایت کرنے کا اعلان کیا۔

بی ایس پی کے امیدوار ساہو نے کانگریس کے ریاستی ہیڈکوارٹر میں ایک پریس کانفرنس میں انتخابی میدان سے ہٹنے اور کانگریس کے امیدوار کی حمایت کرنے کا اعلان کیا۔

انہوں نے کہا کہ ' اب وہ اور ان کے حامی کانگریس کے امیدوار کے لیے ووٹ مانگیں گے اور ان کے لیے کام کریں گے۔ وہ بھوپیش حکومت کے کارناموں سےمتاثر ہوکر میدان سے ہٹ رہے ہیں۔'

اس موقع پر رائےپور سیٹ سے کانگریس کے امیدوار پرمود دوبے نے حمایت کرنے کے لیے ان کا شکریہ ادا کیا۔

سابق وزیر ستیہ نارائن شرما، کانگریس کے ریاستی انچارج و جنرل سکریٹری گریش دیوانگن، ریاستی جنرل سکریٹری اور میڈیا انچارج کے صدر شیلیش نیتن تریویدی بھی اس موقع پر موجود تھے۔