گیس متاثرین کے مطالبات کو حکومت تک پہنچانے کے لیے پریس کانفرنس

بھوپال میں چار تنظیموں نے مشترکہ طور پر آج پریس کانفرنس کر کے گیس متاثرین کے مطالبات کو ریاستی حکومت کے سامنے رکھا اور ان کے مطالبات پر غور کرنے کی اپیل کی۔

بھارتی ریاست مدھیہ پردیش کے دارالحکومت بھوپال میں آج بھوپال گیس متاثرین کے لیے کام کر رہی چار تنظیموں نے مشترکہ طور پر پریس کانفرنس کا انعقاد کیا جس میں ریاستی کانگریس حکومت کو اپنے مطالبات پیش کیے اور اس پر عمل کرنے کی اپیل کی۔

پریس کانفرنس میں سمبھاونا ٹرسٹ کی کنوینر رچنا ڈھینگرا نے میڈیا کو بتایا کی ہمارا مطالبہ ہے ریاست کی نئی حکومت گیس متاثرین کو ان کا حق دے۔

انہوں نے گیس متاثرین کے لیے اضافی معاوضے کی بات کہی۔ ساتھ ہی گیس حادثے کی وجہ سے ہوئی اموات اور بیماریوں کے علاج ومعالجے نیز سپریم کورٹ میں اگلے مہینے کی سماعت سے پہلے اس پر اکیشن لے کیونکہ لیڈران نے کہا کی بھارتیہ جنتا پارٹی اور کانگریس دونوں پارٹیوں کے لیڈران نے بھوپال کے ہر متاثرہ خاندان کو 5 لاکھ روپے دلوانے کا وعدہ کیا ہے لیکن مرکزی اور صوبائی کی حکومت کے ذریعے سپریم کورٹ میں گیس حادثے میں ہوئی اموات اور بیماریوں کے اعداد و شمار غلط پیش کیے۔

انہوں نے کہا کہ ایم پی حکومت کی جانب سے سپریم کورٹ میں گیس حادثے میں مرنے والوں اور بیماروں کے اعداد و شمار صحیح نہیں پیش کیے گئے ہیں جس میں اصلاح کی ضرورت ہے۔

وہی رچنا ڈھینگرا نے بتایا کہ اسمبلی انتخابات سے پہلے اسمبلی رکن عارف عقیل نے گیس متاثرین کو پانچ پانچ لاکھ روپے کانگریس سرکار کے اقتدار میں آنے کے بعد دینے کا وعدہ کیا تھا، جسے نبھانے میں اب یہ سرکار دیری کر رہی ہے -

وزیراعلی ناتھ سے ملنے کے باوجود بھی گیس متاثرین کی مشکلات کم نہیں ہوئی ہیں -

انہوں نے کہا ہمارے ذریعے تحریر کردہ خط کا بھی ابتک جواب نہیں دیا گیا ہے۔