بہار بورڈ نے آج میٹرک کے امتحان کے رزلٹ کا اعلان کردیا، 19-2018 سیشن میں بہار کے 16 لاکھ 60 ہزار طلبا وطالبات نے امتحان دیا تھا، جس میں 13 لاکھ سے زیادہ طلبا کامیاب ہوئے۔
بہار بورڈ میٹرک کے امتحان میں 80.73 فیصد طلبا پاس ہوئے ہیں۔ رزلٹ کے سلسلے میں صبح سے ہی بورڈ دفتر میں سرگرمی بڑھ گئی تھی۔
بہار بورڈ کے صدر آنند کشور نے اس کی جانکاری دےتے ہوئے بتایا کہ جموئی کے سوربھ راج بھارتی نے 486 نمبر حاصل کرکے بہار میں ٹاپ کیا ہے۔
بہار بورڈ کی 10 ویں کے امتحان 28 فروری کو ختم ہوا تھا۔ اس کا آج نتائج آ گیا۔ اس سے پہلے بہار بورڈ نے 30 مارچ کو 12 ویں کا رزلٹ جاری کیا تھا۔ اس سال سب سے پہلے رزلٹ جاری کرکے بہار بورڈ نے تاریخ رقم کی ہے۔