دو ہزار آٹھ سے ستھارن توسہ میدان روڈ کی تعمیر جاری لیکن ابھی تک نا مکمل

بیروہ کھاگ کے ستھارن سے لیکر توسہ میدان روڈ انتہائی خستہ ہے۔ مقامی لوگوں کا الزام ہے کہ جب سے اس روڈ پر کام شروع ہوا ہے تب سے انتطانیہ کی جانب سے کوئی بھی افسر اس کا جائزہ لینے کے لئے نہیں آیا۔

وسطی کشمیر کے ضلع بڈگام کے توسہ میدان کو جانے والی رابطہ سڑک کی تعمیر دو ہزار آٹھ میں شروع کی گئی لیکن آج اتنے برس گزر جانے کے بعد بھی سڑک نا مکمل ہے جسکی وجہ سے لوگوں کو کافی مشکلات کا سامنا کرنا پڑ رہا ہے۔

بیروہ کھاگ کے ستھارن سے لیکر توسہ میدان روڈ انتہائی خستہ ہے۔ لوگوں کا کہنا ہے کہ جب سے اس روڈ پر کام شروع ہوا ہے تب سے انتطانیہ کی جانب سے کوئی بھی افسر اسکا جایزہ لینے کے لئے نہیں آیا۔
لوگوں کا کہنا ہے کہ ستھارن سے توسہ میدان تک کی منزل کچھ آٹھ سے دس کیلومیٹر ہوگی اور دو ہزار آٹھ سے آج تک اس سڑک کی کھدائی ہوئی اور اسکے بعد جو بھی کام ہوا نا وہ معیاری ہے نا ہی انصاف بخش۔

مقامی لوگوں کا کہنا ہے کہ روڈ کہ حالت ایسی ہے کہ گاڑیوں کا چلنا دشوار ہو گیا ہے. انہوں نے کہا کہ اگر اس سڑک کو تعمیر کرکے اس پر میگڈم بچھایا جائے تو یہاں کے لوگوں کو راحت ملنے کے ساتھ ساتھ توسہ میدان کی جانب سیاحوں کو راغب کرے گی۔

لوگوں نے الزام لگایا ہے کہ اس سڑک پر کچھ غیر معیاری مواد بھی بچھایا جا رہا ہے اور المیہ یہ ہے کہ اسکا جایزہ لینے کے لئے بھی کوئی افسر نہیں آرہا ہے۔

لوگوں نے ایل جی انتظامیہ سے اپیل کی ہے کہ ستھارن سے توسہ میدان تک جانے والی سڑک پر میگڈم بچھایا جائے تاکہ یہاں سیاح آئے اور یہاں کے لوگوں کو بھی روز گار کا ذریعہ فراہم ہوگا۔