بڈگام :سڑک حادثے میں سی آر پی ایف کے اہلکار زخمی

کشمیر کے ضلع بڈگام کے بیروہ علاقے میں سی آر پی ایف گاڑی حادثے کا شکارہوگئی،جس میں دس اہلکار زخمی ہوگئے۔

ضلع بڈگام کے بیروہ علاقے میں آج صبح جب ایک سی آر پی ایف کی گاڑی رٹھسن گاؤں کی طرف جارہی تھی تو اوہن گام میں اس گاڑی کو ایک حادثہ پیش آیا جس کے نتیجے میں دس سی آر پی ایف اہلکار زخمی ہوئے۔

زخمیوں کو سب ڈسٹرکٹ ہسپتال بیروہ علاج کے لیے منتقل کیا گیا ہے۔

تفصیلات کے مطابق یہ سی آر پی ایف گاڑی رٹھسن گاؤں میں ان حفاظتی اہلکاروں کو وہاں ڈیوٹی کے لیے لے جا رہی تھی۔ کیونکہ اس گاؤں کو ریڈ زون کرار دیا گیا ہے اور یہاں کے لوگوں کی نقل و حرکت پر نظر رکھنے کے لیے ان کی طائناتی عمل میں لائی گئی ہیں.

اطلاعات کے مطابق سی آر پی ایف اہلکاروں کو سنگین چوٹیں نہیں آئی ہے اور سب کا علاج بیروہ ہسپتال میں چل رہا ہے۔