URS of Shams Faqir: صوفی بزرگ شمس فقیر کا عرس عقیدت و احترام سے منایا گیا

عرس کے موقع پر شمس فقیر کلچرل ویلفیئر سوسائٹی نے جے اینڈ کے اکیڈمی آف آرٹ کلچر اینڈ لنگویجز، محکمہ سیاحت کشمیر اور محکمہ اطلاعات کے اشتراک سے محفل سماع کا انعقاد عمل میں لایا۔ URS of Shams Faqir

بڈگام: روحانی بزرگ و صوفی شاعر حضرت شمس فقیر رحمۃ اللہ عالیہ کا عرس نہایت ہی عقیدت و احترام سے منایا گیا۔ URS of Shams Faqir بڈگام سمیت متعدد اضلاع سے عقیدت مندوں نے شمس فقیرؒ کے آستان عالیہ کلشی پورہ، خانصاحب میں حاضری دیکر اپنی عقیدت کا اظہار کیا۔ عرس کے موقع پر درود و اذکار، ختمات المعظمات کی محافل کے علاوہ محفل سماع بھی آراستہ کی گئیں۔ شمس فقیرؒ کا شمار وادی کشمیر کے مایہ ناز صوفی شعرا میں کیا جاتا ہے۔

شمس فقیر کلچرل ویلفیئر سوسائٹی نے جے اینڈ کے اکیڈمی آف آرٹ، کلچر اینڈ لنگویجز، محکمہ سیاحت کشمیر اور محکمہ اطلاعات کے اشتراک سے محفل سماع کا انعقاد عمل میں لایا گیا۔ Sufi Poet Shams Faqir مقامی گلوکاروں نے صوفی شاعر شمس فقیر کے کلام سے حاضرین کو محظوظ کیا۔ جبکہ مقررین نے صوفی بزرگ کی سوانح حیات انکی روحانی کمالات پر روشنی ڈالی۔

شمس فقیر وادی کشمیر کے مایہ ناز اور معروف صوفی شعراء میں شمار کیے جاتے ہیں۔ ان کے شعری مجموعہ کو جموں و کشمیر اکیڈمی آف آرٹ کلچر اینڈ لگویجز نے مرتب کیا ہے اور اس کے کئی ایڈیشن طبع کیے گئے ہیں۔ شمس فقیر، جن کا اصل نام محمد صدیق بٹ تھا، 1843میں سرینگر کے حبہ کدل علاقے میں پیدا ہوئے۔ وقت کے صوفی بزرگ نعمہ صاحب کی صحبت میں انہوں نے روحانی منازل طے کیے اور شمس فقیر کے نام سے معروف ہوئے۔ 1901میں شمس فقیر اس دار فانی سے رحلت فرما گئے اور انہیں بڈگام میں سپرد لحد کیا گیا۔