بڈگام: ایس ایس بی اہلکار کی حرکت قلب بند ہونے سے موت

ضلع بڈگام میں ایک ایس ایس بی اہلکار کی اس وقت موت واقع ہوگئی جب وہ اپنی ڈیوٹی ضلع بڈگام کے گرویٹھ خان صاحب میں انجام دے رہا تھا۔

وسطی کشمیر کے ضلع بڈگام میں اپنی ڈیوٹی کے فرائض انجام دیتے وقت آج ایک ایس ایس بی اہلکار کا حرکت قلب بند ہونے کی وجہ سے موت واقع ہوگئی۔

ذرائع کے مطابق آج ایک ایس ایس بی اہلکار کی اس وقت موت واقع ہوگئی جب وہ اپنی ڈیوٹی ضلع بڈگام کے گرویٹھ خان صاحب میں انجام دے رہا تھا، طبیعت خراب ہونے پر مذکورہ اہلکار کو قریب کے اسپتال میں علاج و معالجہ کے لیے لے جایا گیا، جہاں پر ڈاکٹروں نے انہیں مردہ قرار دے دیا۔ اور ڈاکٹروں نے ایس ایس بی اہلکار کی موت کا سبب دل کا دورہ پڑنے کو قرار دیا۔

پولیس کے مطابق ایس ایس بی اہلکار کی شناخت انیس کے طور پہ ہوئی ہے جو ایف کمپنی ایس ایس بی کی 31 بٹالین سے وابستہ تھا۔

ضلع بڈگام میں اس سانحہ سے قبل بھی دو نوجوانوں کی موت حرکت قلب کے بند ہونے سے واقع ہوچکی ہے، جن میں سے ایک پی ایچ ڈی اسکالر تھا۔