جموں و کشمیر میں ضلع بڈگام کے بیروہ علاقے کے بونہ مکہامہ میں سکیورٹی فورسز کی جانب سے سرچ آپریشن شروع کیا گیا ہے۔ فورسز نے علاقے کو محاصرے میں لے لیا ہے اور تلاشی مہم جاری ہے۔ گھر گھر تلاشی عمل میں لائی جارہی ہے۔
فورسز نے گاؤں کے تمام داخلی و خارجی راستوں کو بند کر دیا ہے اور راہگیروں سے بھی پوچھ گچھ کی جا رہی ہے۔ سکیورٹی فورسز کو اطلاع ملی تھی کہ بونہ مکہامہ میں عسکریت پسند چھپے ہوئے ہیں۔ جس کے بعد فورسز نے بر وقت کارروائی عمل میں لائی۔