Nasha Mukt Jammu and Kashmir : ’نشہ مکت جموں و کشمیر‘ کے تحت بیداری پروگرام منعقد

گورنمنٹ ڈگری کالج حیدرپورہ میں منعقدہ انسداد منشیات بیداری پروگرام میں شرکاء نے منشیات کے خلاف جنگ جاری رکھنے کے عزم کا اظہار کیا۔ Programme on Drug Awareness

بڈگام (جموں و کشمیر) :وسطی کشمیر کے ضلع بڈگام میں ’’نشہ مکت ابھیان‘‘ کے تحت گورنمنٹ ڈگری کالج، حیدر پورہ، میں ’’ڈسٹرکٹ حب امپاورمنٹ آف وومن، مشن شکتی‘‘ کی جانب سے منشیات کے مضر اثرات پر ایک خصوصی بیداری پروگرام کا انعقاد عمل میں لایا گیا۔ منتظمین کے مطابق پروگرام کے انعقاد کا مقصد معاشرے سے منشیات کے خاتمے کے لیے کیے جانے والے اقدامات کے حوالہ سے عوام کو آگاہ کرنا اور انہیں بھی اس مہم کا حصہ بننے کی تلقین کرنا تھا۔

پروگرام کے دوران سٹی کالجز پر خصوصی توجہ دی گئی کیونکہ منتظمین کے مطابق ’’مختلف کالجوں میں زیر تعلیم طلباء منشیات کی بدعت کے حوالے سے سب سے حساس قرار دیے گئے ہیں۔‘‘ پروگرام کے دوران مقررین نے کہا کہ ’’منشیات کی لت عمومی طور جبجہ نوجوان نسل میں اس کا بڑھتا رجحان ایک سنگین مسئلہ ہے اور اس سے نہ صرف متعلقہ فرد بلکہ پورے معاشرے پر بہت برے اثرات مرتب ہوتے ہیں۔‘‘

شرکاء نے منشیات سے دور رہنے اور سماج کو منشیات سے پاک بنانے کے لیے کوششیں جاری رکھنے کا بھی عہد کیا۔ مقررین کا کہنا ہے کہ معاشرے میں منشیات نے جڑیں مستحکم کی ہیں جن کو اکھاڑ پھینکنے کے لئے سخت محنت کی ضرورت ہے۔ قابل ذکر ہے کہ وادی کشمیر میں پہلے ہی ’’نشہ مکت بھارت ابھیان‘‘ بینر تلے مختلف بیداری پروگرامز اور ریلیز کا انعقاد کیا گیا ہے۔ اسی پس منظر میں ایک خصوصی پروگرام بعنوان ’’نشہ مکت جموں و کشمیر‘‘ جی ڈی سی حیدرپورہ، بڈگام میں منعقد کیا گیا۔