ضلع بڈگام میں کورونا کے صرف 51فعال معاملات

ملک بھر میں کورونا وائرس وبائی بیماری سے لوگوں کو محفوظ رکھنے کے لئے ٹیکہ کاری کا عمل جاری ہے۔

وسطی کشمیر کے ضلع بڈگام میں بھی عالمی وبا کورونا وائرس سے بچائے کے لیے ٹیکہ کاری مہم جاری ہے، ضلع بڈگام میں اب تک چودہ سو سے زائد ہیلتھ ورکروں کو کووڈ ویکسین کا ڈوز دیا گیا ہے۔

ضلع میں ٹیکہ کاری مہم کامیاب کے دوران کسی بھی ہیلتھ ورکر نے کوئی شکایت نہیں کی ہے۔ سی ایم او بڈگام ڈاکٹر تجمل حسین نے ای ٹی وی بھارت کے ساتھ بات کرتے وہئے کہا کہ ’’ضلع میں اب تک یہ مہم کافی کامیاب رہی ہے۔‘‘

انہوں نے دعویٰ کہ اب تک ویکسین لینے والے سبھی ہیلتھ کئر ورکر تندرست ہے اور کوئی شکایت نہیں ہے۔

سی ایم او بڈگام نے لوگوں سے اپیل کی کہ وہ ’’افواہوں پر دھیان نہ دھریں، ویکسین بالکل محفوظ ہے اور جب بھی عام لوگوں کی باری آئے تو بنا خوف سامنے آکر ٹیکہ لگوائیں۔‘‘

ضلع بڈگام میں کورونا وائرس معاملات سے متعلق بات کرتے ہوئے سی ایم او بڈگام نے کہا کہ ’’اس وقت بڈگام میں صرف 51ایکٹیو کیسز ہیں۔ محکمہ صحت کے عملہ نے دن رات کام کرکے وائرس کو قابو کرنے میں کلیدی رول ادا کیا۔‘‘

سی ایم او بڈگام نے ہیلتھ ورکروں اور ڈاکٹروں کی تعریف کرتے ہوئے کہا کہ یہ انکی محنت سے ہی ممکن ہوا ہے۔

واضح رہے کہ ضلع بڈگام میں اب تک سات ہزار پانچ سو ستتر افراد میں کورونا وائرس کی تصدیق ہوئی ہے۔ ان میں سے ایک سو سترہ افراد کی موت ہوئی ہے جبکہ سات ہزار سات سو اکیاون افراد اس جان لیوا بیماری سے نجات پا کر صحت یاب ہوئے ہیں۔