سنہ 2000 سے لاپتہ شخص کی اچانک گھر واپسی

مرکز کے زیر انتظام علاقہ جموں و کشمیر کے وسطی ضلع بڈگام کے کھاگ علاقے سے سنہ 2000 میں لاپتہ ہونے والا شخص کل اچانک گھر واپس پہنچا جس سے اہل خانہ میں خوشی کی لہر دوڑ گئی۔

اطلاعات کے مطابق، 40 سال کی عمر میں کھاگ کے غلام محی الدین شاہ نے سعودی عرب میں روزی روٹی کمانے کے غرض سے گھر چھوڑا تھا۔ گھر سے رخصت ہونے سے لیکر کل تک اس کے افراد خانہ کو ان سے رابطہ بالکل منقطع تھا۔ غلام محی الدین کے لاپتہ ہونے کے بعد اس کے لواحقین نے انہیں ہر جگہ تلاش کیا مگر کہیں سے بھی ان کا سراغ نہیں مل سکا۔

شاہ کے گھر والوں نے نہ صرف وادی بھر میں اس کی لاش کی بلکہ دہلی، ممبئی وغیرہ ریاستوں میں بھی اس کو تلاش کرنے کی ہر ممکن کوشش کی مگر ان کا کوئی اتا پتا نہیں مل پایا۔ آخر کار کافی مہینوں تک غلام محی الدین شاہ کے گھروالوں نے ان کی تلاش کرنا چھوڑ دی۔ وہیں کل اچانک 18 برس کے بعد غلام محی الدین شاہ اپنے گھر واپس لوٹ آئے۔ غلام محی الدین شاہ کو دیکھ گھر والے ششدر رہ گئے۔

اٹھارہ برس بعد لاپتہ شخص کی اچانک گھر واپسی

انہوں نے محی الدین شاہ کا والہانہ استقبال کیا۔ اس موقع پر افرادِ خانہ کی آنکھوں سے خوشی کے آنسو چھلک رہے تھے، ساتھ ہی وہ انہیں گلے لگا رہے تھے اور ان کا ماتھا چوم رہے تھے۔

جیسے ہی یہ خبر اِن کے ہمسایوں اور رشتہ داروں کو پتہ چلی تو وہ فوری طور پر ان سے ملاقات کرنے پہنچے۔

ان کے گھر والوں کا کہنا ہے کہ ''ہمیں یقین ہی نہیں ہو رہا ہے کہ محی الدین شاہ واپس آگئے ہیں اور وہ زندہ تھے۔ ہم نے تو ان کے زندہ ہونے کی اُمید ہی چھوڑ دی تھی۔ ہمیں اس بات کا کوئی علم نہیں ہے کہ اِن 18 برسوں میں یہ کہاں تھے اور کیا کر رہے تھے۔ ان سالوں میں ان کی داڑھی سفید ہو گئی اور وہ کافی بزرگ لگ رہے ہیں۔ ہمارے لئے یہی کافی ہے کہ وہ زندہ اور صحیح سلامت گھر واپس آگئے ہیں۔

پولیس کے مطابق غلام محی الدین شاہ سنہ 2000 میں لاپتہ ہوئے تھے جس کے بعد انہیں ہرسو تلاش کیا گیا۔ لیکن ان کا کوئئی سراغ نہیں مل سکا۔ ہمیں خبر ملی کہ کل وہ شخص 18 برس کے اپنے گھر واپس لوٹ آیا ہے۔

پولیس نے کہا کہ 'ہم اس بات کی تحقیقات کر رہے ہیں کہ یہ اتنے برس کہاں تھے اور کیا کر رہے تھے۔

وہیں ان کے اہل خانہ اس بات سے خوش ہیں کہ ان کے گھر کا لاپتہ فرد زندہ لوٹ آیا ہے۔