ٹرانسفارمر پلیٹ فارم سے گرنے سے نوجوان کی موت - youth dies while installing transformer
22 سالہ نوجوان جس کی شناخت محمد اقبال کمبے ولد نظیر احمد کمبے ساکنہ شچن بونٹ بجلی ٹرانسفارمر کے پلیٹ فارم سے پھسلے اور نیچے گر گئے جس کے نتیجے میں اس کی موت واقع ہوگئی۔
ٹرانسفارمر پلیٹ فارم سے گرنے سے نوجوان کی موت
وسطی کشمیر کے ضلع بڈگام میں گزشتہ شام بیروہ علاقے کے شچن بونٹ گاؤں میں ایک نوجوان کی اس وقت حادثاتی طور پر موت واقع ہوئی جب اس کا پاؤں پھسلا اور وہ ٹرانسفارمر پلیٹ فارم سے گر گیا۔
لوگوں نے مذکورہ شخص کو فوری طور پر ضلع ہسپتال بڈگام پہنچایا جہاں ڈیوٹی پر موجود ڈاکٹروں نے انہیں مردہ قرار دیا۔
پولیس ذرائع نے بتایا کہ ایک 22 سالہ نوجوان جس کی شناخت محمد اقبال کمبے ولد نظیر احمد کمبے ساکنہ شچن بونٹ بجلی ٹرانسفارمر کے پلیٹ فارم سے پھسلے اور نیچے گر گئے جس کے نتیجے میں اس کی موت واقع ہوگئی۔ وہ ٹرانسفارمر پلیٹ فارم پر دوسرے اشخاص کی مدد کرنے کے لئے چڑا تھا۔ یہ واقع ٹرانسفارمر نصب کرنے کے وقت پیش آیا۔