بارہمولہ: عسکریت پسندوں اور فورسز کے مابین تصادم

ضلع بارہمولہ کے سوپور میں واقع وار پورہ علاقے میں عسکریت پسندوں اور سکیورٹی فورسز کے مابین انکاؤنٹر ہوگیا۔

شمالی کشمیر کے ضلع بارہمولہ کے سوپور میں واقع وار پورہ علاقے میں جمعہ کے روز عسکریت پسندوں اور فورسز کے مابین تصادم شروع ہو گیا۔

جمع کے روز سکیورٹی فورسز کو اطلاع ملی تھی کہ علاقے میں عسکریت چھپے ہوئے ہیں۔ پولیس، فوج اور سی آر پی ایف کی مشترکہ ٹیم نے وارپورہ میں محاصرہ کر کے سرچ آپریشن شروع کیا۔

جب فورسز کی مشترکہ ٹیم مشتبہ مقام کی طرف پہنچی تو چھپے ہوئے عسکریت پسندوں نے فائرنگ کی اور اس کے فوراً بعد تصادم شروع ہوا۔

علاقے میں سرچ آپریشن جاری ہے۔ مقامی لوگوں کو گھروں میں رہنے کی ہدایت دی گئی ہے۔ تمام داخلی اور خارجی راستوں پر پولیس کے ناکے بٹھا دیے گئے ہیں۔