بڈگام: ڈپلومہ اور آئی ٹی آئی پاس آؤٹ طلباء کے لئے پلیسمنٹ ڈرائیو کا اہتمام

ضلع بڈگام میں آج آئی ٹی آئی اور ڈپلومہ کی ڈگری یافتہ طلباء کے لئے آج پلیسمنٹ ڈرائیور کا اہتمام کیا گیا۔

ڈسٹرکٹ ایمپلائمنٹ اینڈ کونسلنگ سینٹر بڈگام نے ضلع انتظامیہ کے اشتراک سے پردھان منتری کوشلیہ وکاس یوجنا کے تحت اس پروگرام کا انعقاد کیا۔

ڈی سی آفس کے کانفرنس ہال میں ضلع ترقیاتی کمشنر بڈگام شہباز احمد مرزا کے صدارت میں پروگرام منعقد کیا گیا۔ پروگرام میں بجاج الاینس اور کے ٹی ایم نے بھی شرکت کی۔ پروگرام میں سینکڑوں آئی ٹی آئی اور ڈپلومہ ہولڈرس نے شرکت کی۔

ضلع ترقیاتی کمشنر بڈگام نے اس موقع پر نوجوانوں پر زور دیا کہ وہ آگے آئيں اور پلیسمنٹ ڈرائیور سے فائدہ اٹھائیں۔ انہوں نے کہا کہ دن بہ دن سرکاری نوکریاں کم ہوتی جا رہی ہیں اور نوکری ملنے کے مواقع کم فراہم ہوتے ہیں۔

انہوں نے یہ بھی کہا کہ پرائیویٹ سیکٹر کافی وسیع ہے جو بہت سارے ملازمین کو نوکری دینے کی طاقت رکھتا ہے۔ ڈی سی نے یہ بھی کہا کہ ایسے پلیسمنٹ ڈرائیور آنے والے وقت میں بھی جاری رہے گی۔

پروگرام میں ڈی سی کے اعلاوہ سی پی او بڈگام اور اسسٹنٹ ڈائریکٹر ایمپلائمنٹ بھی موجود رہے۔