ضلع بڈگام میں محرم الحرام کے حوالے سے جائزہ میٹنگ کا انعقاد

ضلع بڈگام میں محرم الحرام کے حوالے سے جائزہ میٹنگ کا انعقاد کیا گیا جس میں مختلف محکمہ جات کے آفیسران کے علاوہ شیعہ مکتبہ فکر سے تعلق رکھنے والے نمائندوں نے بھی شرکت کی۔

وسطی کشمیر کے ضلع بڈگام میں محرم الحرام کے حوالے سے ایک جائزہ میٹنگ کا انعقاد کیا گیا۔ میٹنگ کے دوران ڈی سی بڈگام نے ضلع میں کی جا رہی تیاریوں کا جائزہ لیا۔

میٹنگ میں بیشتر محکمہ جات کے اعلی افسران نے شرکت کی۔ اس دوران ڈی سی نے تمام محکمہ جات کے افسران پر زور دیا کہ محرم الحرام میں عقیدت مندوں کو پریشانیوں کا سامنا نہ کرنا پڑے اس کے لیے شیعہ اکثریتی علاقوں میں بجلی، پانی اور راشن کی فراہمی کو یقینی بنایا جائے۔

میٹنگ میں ضلع کے شیعہ مکتبہ فکر سے تعلق رکھنے والے نمائندوں نے بھی شرکت کی۔

شہباز مرزا نے آفیسران پر محرم الحرام میں اسٹریٹ لائٹس، طبی سہولت، راشن کی فراہم، صفائی ستھرائی، فائر ٹینڈر جیسے انتظامات کو یقینی بنائے جانے پر زور دیا۔

انہوں نے محکمہ پی ڈی ڈی کو اہم مقامات پر ہائی ماس لائٹس کے ساتھ ساتھ ہیلوجن لائٹس نصب کیے جانے کی بھی ہدایت دی۔ وہیں محکمہ جل شکتی کو علاقے میں بنا رکاوٹ پانی کی سپلائی کو یقینی بنائے جانے پر زور دیا گیا۔

واضح رہے کہ دس اگست سے محرم الحرام کا آغاز ہو رہا ہے اور ضلع بڈگام میں اس موقع پر محافل عزا کے علاوہ جلسوں، جلوس کا بھی اہتمام کیا جاتا ہے۔ تاہم چھ محرم سے ضلع کے مختلف علاقوں سے بڑے بڑے جلوس بر آمد ہوتے ہیں جسکے لئے انتظامیہ کی جانب سے پہلے سے اقدامات و انتظامات کیے جا جاتے ہیں۔