وسطی کشمیر کے ضلع بڈگام میں پولیس Budgam Policeکو محمد حسین ملہ ولد محمد سبحان ملہ ساکنہ پالر، بڈگام کی جانب سے گزشتہ کل یعنی 12 جنوری کو شکایت موصول ہوئی جس میں شکایت کنندہ نے اسکے گھر سے قریب ڈیڑھ لاکھ روپے مالیت کے زیورات چوری ہونے کی تحریری شکایت درج کی۔
بڈگام پولیس Budgam Policeنے اس ضمن میں ایف آئی آر 12/2022 درج کرکے فوری طور تحقیقات شروع کر دی۔
بڈگام پولیس کے مطابق ابتدائی تحقیقات کے دوران پولیس نے مشکوک افراد کو حراست میں لیکر پوچھ تاچھ شروع کر دی۔ پولیس کے مطابق پوچھ تاچھ کے دوران ایک شخص، جس کی شناخت پولیس نے اعجاز احمد راتھر ولد شوکت احمد راتھر ساکنہ ڈانگر پورہ، سمبل، بانڈی پورہ کے طور پر کی ہے، نے چوری کا اعتراف کیا۔