بڈگام: پولیس کا اسلحہ و گولہ بارود برآمد کرنے کا دعوی

پولیس ذرائع نے یہ بھی بتایا کہ یہ دونوں افراد دو دن قبل گرفتار کیے گئے تھے جب ان کی تحویل سے ایک پرانی چترا وردی برآمد ہوئی تھی۔

وسطی کشمیر کے ضلع بڈگام میں پولیس نے پہلے سے گرفتار شدہ دو افراد کے گھروں سے اسلحہ و گولہ بارود برآمد کرنے کا دعوی کیا ہے۔

پولیس کے مطابق کل شام کو آرمی کے ہمراہ ایک کاروائی عمل میں لائی جس میں انہوں نے پہلے سے گرفتار شدہ دو افراد محمد یوسف ڈار ولد غلام رسول ڈار اور عبد المجید میر ولد اسداللہ ڈار ساکنہ چیوڈارہ بیروہ کے گھروں میں تلاشی کاروائی عمل میں لائی۔ اس دوران ان دو رہائشی مکانوں سے دو ہینڈ گرینیڈ، 04 ڈیٹونیٹرز، 25 راونڈس اور 10 ناقابل اعتراض پوسٹرس برآمد کئے گئے۔

پولیس ذرائع نے یہ بھی بتایا کہ یہ دونوں افراد دو دن قبل گرفتار کیے گئے تھے جب ان کی تحویل سے ایک پرانی چترا وردی برآمد ہوئی تھی۔ اس ضمن میں ان کے خلاف ایک ایف آئی آر اور متعلقہ دفعات کے تحت کیس درج کر لیا گيا ہے۔