گرفتار شدہ منشیات فروشوں کے قبضے سے پولیس نے پندرہ بوٹلیں کوڈین فاسفیٹ اور الپرازولم کے دوسو پچیس ٹیبلیٹس بر آمد کئے ہیں۔
پولیس نے کہا کہ' خفیہ اطلاع ملنے کے بعد پولیس اسٹیشن بڈگام نے حیدرپورہ میں ناکہ لگایا۔ اس دوران ایک کار کو روکا گیا جس میں یہ دونوں منشیات فروش سفر کر رہے تھے۔
گرفتار شدہ منشیات فروشوں کی شناخت اومپورہ بڈگام کے جاوید احمد ڈار اور ٹینگپورہ بٹہ مالو کے توفیق احمد بٹ عرف راجا کے طور پر ہوئی ہے، پولیس نے کہا کہ' اس تعلق سے ایف آئی آر درج کرلی گئی ہے، مزید تفتیش جاری ہے۔
مزید پڑھیں:کھریو میں عسکری پناہ گاہ تباہ کرنے کی خبریں بے بنیاد
واضح رہے گذشتہ دو ماہ سے بڈگام میں منشیات کے خلاف پولیس نے مہم تیز کردی ہے۔ اس دوران کئی گرفتاریاں عمل میں لائی گئی ہیں، پولیس نے کہا کہ' ان کی یہ مہم لگاتار جاری رہے گی اور بڈگام کو منشیات سے پاک کرناہی ان کا ہدف ہے۔
