بڈگام: محکمہ جل شکتی کے تحت تشہیری گاڑی کا افتتاح

محکمہ جل شکتی کی جانب سے منگل کے روز ایک گاڑی کو ڈی سی بڈگام نے جھنڈی دکھا کر روانہ کیا. اس گاڈی پر ہر طرف تشہیری بینر لگے ہوئے ہیں. جن پر پانی کو بچانے کی ہدایات کے بارے میں جانکاری دی گئی ہے۔

ریلی کا اہتمام محکمہ جل شکتی بڈگام نے کیا تھا. یہ گاڑی 16 مارچ سے شروع ہونے والی ایک ہفتہ طویل مدت کے لئے ضلع بھر میں اعلانات کرے گی اور اس کا اختتام 22 مارچ 2021 کو ہوگا. اس موقع پر ڈی ڈی سی نے خطاب کرتے ہوئے کہا کہ لوگوں میں پینے کے صاف پانی کے استعمال کو یقینی بنانے میں کسی قسم کی احتیاطی تدابیر اختیار کرنے کی ضرورت ہے اس کے بارے میں لوگوں میں بڑے پیمانے پر آگاہی پیدا کرنے کی طرف یہ ایک اہم پہل کی حیثیت سے سامنے آئے گی۔

بڈگام: محکمہ جل شکتی کے تحت تشہیری گاڑی کا افتتاح

انہوں نے عوام الناس سے پر زور اپیل کی کہ صاف اور محفوظ پانی کی فراہمی کے لئے ہمیں پانی کے ذخائر کو آلودہ کرنے سے پرہیز کرنا ہوگا. اور ان کو بچانے سے ہم آنے والی نسلوں کو پینے کا صاف پانی میسر کراسکتے ہیں. ساتھ ہی یہ ہفتہ عام لوگوں کے مفاد میں ایک انقلابی اقدام ثابت ہوگا۔

بڈگام: محکمہ جل شکتی کے تحت تشہیری گاڑی کا افتتاح

اس سے قبل ایس ای ہائیڈرولکس سراج الدین شاہ نے ہفتوں کی مصروفیات کا تفصیلی رپورٹ پیش کی. انہوں نے کہا کہ بیداری کے تحت اس طرح کے اقدامات کو انجام دینے کا مقصد عام لوگوں میں یہ پیغام پھیلانا ہے کہ وسائل کو کس طرح محفوظ رکھیں۔

انہوں نے عام لوگوں سے اپیل کی کہ وہ پینے کے پانی کو انصاف کے ساتھ اور احتیاط سے استعمال کریں اور اسے اللہ تعالیٰ کی طرف سے ایک قیمتی تحفہ کے طور پر لیں کیونکہ یہ بنی نوع انسان کی بقا کا سب سے بڑا ذریعہ ہے۔

اس موقع پر دوسرے درجنوں حاضرین کے علاوہ ایس ای ہائیڈرولکس بڈگام سراج الدین شاہ اور دیگر متعلقہ آفیسران، عہدیدار بھی موجود تھے۔