وسطی کشمیر کے ضلع بڈگام کے کھاگ میں بدھ کی شام دیر گئے نامعلوم اسلحہ برداروں نے بلاک ڈیولپمنٹ کونسلر بوپیندر سنگھ کو گولی مار کر ہلاک کر دیا۔
سرکاری ذرائع نے بتایا کہ نامعلوم اسلحہ برداروں نے بدھ کی شام دیر گئے بوپیندر سنگھ پر ان کے آبائی گاؤں دلوش کھاگ میں گولیاں چلائیں۔
انہوں نے کہا کہ اگرچہ انہیں فوری طور نزدیکی طبی مرکز لے جایا گیا لیکن وہ جانبر نہ ہوسکے۔
ایک رپورٹ کے مطابق بوپیندر سنگھ نے پنچایت انتخابات میں بحیثیت آزاد امیدوار حصہ لیا تھا اور انہیں پی ڈی پی کی حمایت حاصل تھی۔
دریں اثنا نیشنل کے نائب صدر و سابق وزیر اعلیٰ عمر عبداللہ نے بوپیندر سنگھ کی ہلاکت پر دکھ اور افسوس کا اظہار کیا ہے۔