وسطی کشمیر کے ضلع بڈگام کے چوندہ پورہ علاقے میں واقع ایک مرغ فارم میں کام کر رہے ملازم کی موت واقع ہو گئی۔
بڈگام کے ہکھ لترہ، بیروہ سے تعلق رکھنے والے ہلال احمد بٹ ولد عبدالعزیز بٹ نامی 30 ساله شخص چوندہ پورہ میں واقع ایک مرغ فارم میں پچھلے 5 برسوں سے کام کر رہا تھا جسکی دوران شب فارم کی نگرانی کرتے ہوئے موت واقع ہو گئی۔
پیر کی صبح جب فارم پر دیگر ملازمین پہنچے تو انہوں نے ہلال کو مردہ پایا جس کی اطلاع انہوں نے بڈگام پولیس کو دی۔
پولیس نے لاش کو اپنی تحویل میں لے کر پوسٹ مارٹم کے لیے بھیج دی جہاں ابتدائی تحقیقات سے معلوم ہوا کہ دل کا دورہ پڑنے سے ہلال کی موت واقع ہوئی ہے۔
وہیں ہلال کی موت کی خبر جب اس کے آبائی گاؤں ہکھ لترہ پہنچی تو علاقے میں صف ماتم بچھ گئی۔
