ریاست بہار میں تیسرے مرحلے کے لئے آج صبح سات بجے سے ووٹنگ شروع ہو گئی ہے، پہلے مرحلے میں ووٹروں کی تعداد کچھ کم ہے، لوگ آہستہ آہستہ پولنگ مراکز پر آ رہے ہیں۔ حفاظتی نقطۂ نظر سے تمام پولنگ مراکز پر سخت انتظامات کئے گئے ہیں۔
کووڈ کے پیش نظر ووٹ دینے کے لئے آ رہے ووٹروں کی پہلے تھرمل اسکریننگ کی جا رہی ہے، پھر سینیٹائزر کر ووٹ دینے کے لئے اندر جا رہے ہیں۔ اس بار ارریہ میں کئی اسمبلی حلقہ میں مقابلہ سخت مانا جا رہا ہے۔ ارریہ اسمبلی حلقہ میں جہاں عظیم اتحاد کے امیدوار عابد الرحمن میدان میں ہیں، وہیں جے ڈی یو سے شگفتہ عظیم انہیں ٹکر دے رہی ہیں۔
ووٹنگ کا عمل ابھی شروع ہوا ہے جو شام کے چھ بجے تک چلے گا۔ صبح ٹھنڈ ہونے کی وجہ سے ابھی ووٹر نہیں نکلے ہیں۔ امید ہیں دس بجے کے بعد ووٹروں کی تعداد میں اضافہ ہوگا۔
واضح رہے کہ بہار اسمبلی انتخابات 2020 اپنے آخری مرحلے میں ہے، 15 اضلاع کی 78 اسمبلی نشستوں پر آج صبح سات بجے سے ووٹنگ شروع ہوگئی ہے، اس مرحلے میں تقریباً 2 کروڑ 35 لاکھ رائے دہندگان اپنے حق رائے دہی کا استعمال کریں گے۔