پولیس سپرنٹنڈنٹ ہری کشور رائے نے بتایا کہ مقدمہ درج ہونے کے بعد معاملے کا پردہ فاش کرنے کے لیے ڈویژنل پولیس افسر اجے کمار سنگھ کی قیادت میں ٹیم کی تشکیل کی گئی تھی ۔
ٹیم نے مسلسل تحقیقات کی بدولت اس لوٹ میں شامل دو لٹیروں کو تھانہ علاقہ کے شیو بازار کے باشندہ محمد عمران اور گدری بازار کے رہنے والے محمد تاثیر کو گرفتار کرلیا ہے ۔
رائے نے بتایاکہ گرفتار عمران کے گھر سے لوٹ کی رقم میں سے ایک لاکھ روپے برآمد کیے ہیں۔ انہوں نے بتایا کہ پولیس گرفتار بدمعاشوں سے سخت تفتیش کر رہی ہے ۔
غورطلب ہے کہ 28 جولائی 2019 کو ہتھوا مارکیٹ کا تاجر کندن کمار رکشے سے چھپرہ جنکشن ٹرین پکڑنے جارہا تھا ۔ اسی دوران بھگوان بازار تھانہ علاقہ کے ریلوے کالونی میں ایک موٹرسائیکل پر سوار دو بدمعاشوں نے پہلے اس کے آنکھ میں مرچ کا پاﺅڈر جھونکا اور پھر پیر میں گولی مار دی ۔ اس کے بعد بدمعاشوں نے تاجر سے لگ بھگ چھ لاکھ پچاس ہزار روپے لوٹ کر فرار ہوگئے تھے۔