ارریہ: سڑک حادثہ میں دو افراد کی موت، ایک زخمی

ٹرک اور بائک کے مابین ہوئے تصادم میں دو بائک سوار کی موت ہوگئی جبکہ ایک شخص شدید طور پر زخمی ہوگیا۔

ریاست بہار کے ارریہ فاربس گنج فور لین سڑک پر ٹرک اور بائک کے مابین ہوئے تصادم میں دو بائک سوار کی موت ہوگئی جبکہ ایک شخص شدید طور پر زخمی ہوگیا۔

حادثے کی اطلاع ملتے ہی سمراہا تھانہ جائے وقوع پر پہنچی اور لاش کو قبضے میں لے کر پوسٹ مارٹم کے لئے ارریہ صدر اسپتال بھیج دیا اور زخمی کو علاج کے لئے ہسپتال میں داخل کرادیا، جہاں اس کی حالت تشویشناک بنی ہوئی ہے۔

ہلاک شدہ شخص کی شناخت پلاسی تھانہ حلقہ کے ڈیہٹی بوچا ٹولہ وارڈ نمبر سات کے رہائشی وسیم اختر اور عمران عالم کے طور پر ہوئی ہے جبکہ علی شیر شدید طور پر زخمی ہیں۔اس تعلق سے ڈیہٹی کے مکھیا راغب عرف ببلو نے بتایا کہ ”مہلوک دونوں شخص پھلکاہا سے دوا لیکر بذریعہ موٹرسائیکل اپنے گاؤں ڈیہٹی آ رہے تھے تبھی یہ حادثہ پیش آیا۔”