مختلف حادثوں میں دو افراد ہلاک

ریاست بہار کے ضلع گیا میں قومی شاہراہ پر سڑک حادثے میں ایک شخص کی موت ہوگئی، جبکہ ایک اور حادثے میں آٹھ برس کے بچے کی تالاب میں ڈوبنے سے موت ہوگئی۔

گیا سے گزرنے والی قومی شاہراہ پر آئے دن سڑک حادثہ ہوتا رہتا ہے۔ تازہ معاملہ جوگیا موڈ کے قریب کا ہے۔

مہیش پرساد نامی شخص کو جوگیا موڈ کے قریب ٹرک نے پیچھے سے ٹکر مار دی۔ ٹکر اتنی شدید تھی کہ مہیش پرساد کی موقع پر ہی موت ہوگئی۔ ٹرک ڈرائیور بھاگنے میں کامیاب رہا۔

حادثہ کے بعد مہیش پرساد کے اہل خانہ نے معاوضے کی مانگ کی اور قومی شاہراہ کو جام کر دیا۔ پولیس کے ذریعہ معاوضے کی رقم کی یقین دہانی کے بعد ہی مہیش کے اہل خانہ نے ہنگامہ بند کیا۔

دوسری جانب ایک اور حادثے میں ایک آٹھ برس کا بچہ تالاب میں ڈوب کر ہلاک ہوگیا۔

مرنے والے کی شناخت گروعا تھانہ حلقے کے تروا گاؤں کے سونو کمار کی شکل میں ہوئی۔

گھر والوں کے مطابق سونو شام سے ہی لاپتہ تھا۔ کافی تلاش کرنے پر گاؤں کے قریب ایک تالاب میںں اس کی لاش برآمد ہوئی۔