ٹرک اور اسكارپيو کی ٹکر میں ایک نوجوان ہلاک، تین زخمی

ریاست بہار کے ضلع سارن میں مفصل تھانہ علاقہ کے گھیگھٹا گاؤں کے قریب قومی شاہراہ نمبر ۔19 چھپرا۔حاجی پور میں آج ایک ٹرک اور اسكرپيو کے درمیان ہوئی ٹکر میں ایک نوجوان ہلاک اور تین دیگر زخمی ہو گئے۔

پولیس ذرائع نے بتایا کہ آج صبح ایک اسكرپيو پر سوار کچھ لوگ چھپرا سے پٹنہ جا رہے تھے۔ اسی دوران مفصل تھانہ علاقہ کے گھیگھٹا گاؤں کے قریب مخالف سمت سے تیز رفتار میں آ رہے ایک ٹرک سے ٹکر ہو گئی جس سے اسكرپيو پلٹ گئی۔ اس حادثے میں ایک نوجوان کی ہلاک ہوگیا جبکہ تین دیگر زخمی ہو گئے۔

اطلاع ملتے ہی موقع پر پہنچی پولیس نے زخمیوں کو چھپرا صدر ہسپتال میں داخل کرایا ہے۔

ہلاک شدہ شخص کی شناخت کرشن کمار (38) کے طور پر کی گئی ہے۔ لاش کو پوسٹ مارٹم کے لئے بھیج دیا گیا ہے۔