ڈپٹی سپرنٹنڈنٹ آف پولیس پریتیش کمار نے آج یہاں بتایا کہ گزشتہ روز موسکی محلے میں واقع ریلوے ٹھیکیدار بدری گوئینکا کے گھر پہنچ کر جدید ہتھیاروں سے لیس دو مجرموں نے اچانک فائرنگ شروع کردی۔
اس حملے میں ٹھیکیدار بدری گوئینکا ، ان کی اہلیہ سونم گوئینکا اور 13 سالہ بیٹی ادیتی گوئینکا شدید زخمی ہوگئے۔
کمار نے بتایا کہ فائرنگ کی آواز سن کر مقامی لوگوں کے جمع ہونے کی وجہ سے بدمعاش اندھیرے کا فائدہ اٹھا کر فرار ہوگئے۔ مقامی لوگوں کی مدد سے تینوں زخمیوں کو تشویشناک حالت میں سمستی پور شہر کے نجی ہسپتال میں داخل کرایا گیا ہے۔
ڈپٹی سپرنٹنڈنٹ آف پولیس نے بتایا کہ زخمی ٹھیکیدار کے بیان پر خصوصی پولیس ٹیم مجرموں کی گرفتاری کے لیے ممکنہ ٹھکانوں پر چھاپہ ماری کر رہی ہے۔
تاہم انہوں نے بتایا کہ فائرنگ کاسبب ابھی تک پتہ نہیں چل سکا ہے۔ پولس جلد ہی مجرموں کو گرفتار کرلے گی۔