لاک ڈاؤن کے اعلان کے بعد ملک کے مختلف علاقوں سے وطن واپس آنے والے لوگوں کا ہجوم مختلف ریاستوں کی سڑکوں پر نکل آیا ہے۔
وہیں پڑوسی ملک نیپال نے بھی کورونا انفیکشن کو دیکھتے ہوئے لاک ڈاؤن کر دیا ہے۔ لاک ڈاؤن کی وجہ سے بھارت-نیپال سرحد سیل کردی گئی ہے۔
سرحد پر ہزاروں بھارتی کے پھنسے ہونے کی اطلاع ملنے پر ضلع مجسٹریٹ کپل اشوک اور ایس پی نوین چندر جھا ریکسول پہنچے۔
ڈی ایم نے بھارت- نیپال سرحد کا جائزہ لیا اور سرحد پر پھنسے بھارتی مزدوروں کے بارے میں جانکاری لی۔
ڈی ایم نے امیگریشن حکام اور ایس ایس بی بارڈر پر تعینات دیگر ایجنسیوں کے ساتھ اس معاملے پر ایک میٹنگ کی۔
اجلاس کے بعد ڈی ایم کپل اشوک نے کہا کہ سرحد پر پھنسے ہوئے بھارتی مزدوروں کے بارے میں مرکزی وزارت داخلہ اور وزارت خارجہ کو معلومات فراہم کردی گئیں ہیں۔ حکومت کے حکم کے مطابق کارروائی کی جائے گی۔
بتا دیں کہ ہزاروں بھارتی مزدور روزی کی تلاش میں نیپال جاتے ہیں۔ وہاں رہتے ہیں اور مزدوری کا کام کرتے ہیں۔
لیکن کورونا انفیکشن کے حوالے سے بھارت اور نیپال دونوں ممالک میں مکمل لاک ڈاؤن کا اعلان کیا گیا ہے۔