آپسی رنجش میں ایک شخص ہلاک

ریاست بہار کے ضلع دربھنگہ میں آپسی رنجش میں قتل کے درد ناک واقعے سے علاقے میں سنسنی پھیلی ہوئی ہے۔

دربھنگہ کے نگر تھانہ کے 'سینا پت' نامی محلے دو نوجوان زبیر اور تنویر کے معمولی تکرار کے بعد تنازع کھڑا ہوگیا۔ یہاں تک کہ دونوں کے درمیان زبردست مارپیٹ کا واقعہ پیش آیا۔

پولیس بیانیہ کے مطابق ملزم زبیر نے تنویر کو چاقو مار دیا، جس سے اس کی حالت نازک ہوگئی اور اسپتال لے جانے کے دوران اس کی موت راستے میں ہوگئی۔

پولیس بیان کے مطابق تنویر کی موت کے بعد علاقے کے لوگ مشتعل ہوگئے اور مشتعل عوام نے اپنے گھر میں چھپے زبیر کو باہر نکالنے کی کوشش کرنے لگے۔

تاہم پولیس اور سکیورٹی اہلکار کی بر وقت کارروائی کے بعد ملزم کو اس کے گھر سے گرفتار کر کے بحافظت تھانہ لے جایا گیا۔

ملزم کی گرفتاری کے بعد علاقے کا ماحول پرسکون ہے۔