راشٹریہ جنتادل کے ریاستی سکریٹری آصف زماں نے کہا کہ مرحوم شہاب الدین بہار کی سیاست كا شکار ہو کر رہ گئے۔
آصف زماں نے کہا کہ انہیں کووڈ 19 کے مریض کی حیثیت سے تہاڑ سے علاج کے لیے بھیجا گیا تھا۔ یہ بات سمجھ میں نہیں آ رہی ہے کہ صحتیاب ہونے کے باوجود وہ کس طرح مثبت ہوئے۔
مرحوم شہاب الدین کو آر جے ڈی رہنما کے علاوہ سیوان کا گاندھی بھی کہا جاتا تھا۔ ان کی موت سوال کھڑا کرتی ہے۔ اس کی تحقیقات سی بی آئی کے ذریعے ہونی چاہیے تاکہ سچائی سامنے آسکے۔
آصف زماں نے وزیراعظم اور وزیراعلیٰ بہار سے درخواست کی ہے کہ پارٹی جذبات سے بالاتر ہو کر سی بی آئی انکوائری ہونی چاہیے۔
انہوں نے کہا کہ شہاب الدین کی موت کو 45 دن ہو گئے لیکن ابھی تک انصاف نہیں ملا۔ مرحوم کے حامیوں کے ساتھ ساتھ آر جے ڈی کے تمام لوگوں کا مطالبہ ہے کہ سی بی آئی انکوائری ہونی چاہئے تبھی شہاب الدین کے اہل خانہ کو انصاف مل سکے گا۔
آصف زماں نے آر جے ڈی کے ان تمام کارکنان اور شہاب الدین کے حامیوں سے اپیل کی ہے کہ وہ عوامی تحریک کے ذریعے تحقیقات کا مطالبہ کریں اور انصاف حاصل کرنے کے لیے آگے آئے۔