گھریلو جھگڑے سے پریشان لڑکی کی خود کشی، لاش غائب

بہار کے ضلع ویشالی میں مہنار تھانہ علاقہ کے چكے سو گاؤں میں ایک لڑکی نے گلے میں پھندا لگا کر خود کشی کر لی ہے۔

پولیس ذرائع نے آج حاجی پور میں بتایا کہ مقامی لوگوں نے پولیس کو اطلاع دی کہ سنیل ٹھاکر کی 15 سالہ بیٹی گڑیا عرف نشا نے گلے میں پھندا لگا کر خود کشی کر لی ہے۔ اطلاع موصول ہوتے ہی موقع پر پہنچی پولیس نے جب جانچ شروع کی تو لڑکی کی لاش غائب تھی۔

ذرائع نے بتایا کہ اس سلسلے میں ایک ایف آئی آر درج کر کے پولیس نے سنیل ٹھاکر کو گرفتار کر لیا ہے۔ خودکشی کا سبب گھریلو جھگڑا بتایا جاتا ہے۔ پولیس معاملے کی جانچ کر رہی ہے۔