انتہائی سادگی کے ساتھ شب برأت کا اہتمام

ضلع کیمور میں لاک ڈاؤن کی وجہ سے شب برأت کے موقع پر لوگ اپنے گھروں میں ہی عبادت کیے۔

ریاست بہار کے ضلع کیمور کی تاریخ میں پہلی بار شب برأت انتہائی سادگی اور خاموشی سے منائی گئی۔ ضلع کے شہری اور دیہی علاقہ کے لوگ اپنے گھروں تک محدود ہوکر انفرادی عبادت کا اہتمام کیا۔ اس موقع پر انتظامیہ اور سنی شیعہ وقف بورڈ کی جانب سے مساجد، مزارات ا ور قبرستانوں میں جانے پر پابندی عائد کردی گی تھی۔

لاک ڈاؤن کی وجہ سے ضلع انتظامیہ نے مساجد انتظامیہ کو متنبہ کر دیا گیا تھا کہ شب برات کے موقع پر مساجد میں کسی کو رکنے کی اجازت نہیں ہے۔

کورونا وائرس سے بچاؤ کے لیے احتیاطی تدابیر کے ابتدائی مرحلے میں شہر کے تمام قبرستانوں کو سیل کر دیا گیا۔ قبرستان جانے والے راستوں اور سڑکوں پر پولیس کی چوکسی تیز کر دی گٸ تھی۔

واضح رہے کہ اس موقع پر کیمور کی مساجد اور مزارات کو دلہن کی طرح سجایا جاتا تھا اور کیمور کے سینکڑوں مقامات پر محفل نعت اور محفل سماع کا اہتمام بھی ہوتا تھا۔