جی ہاں اگر شادی والے ہی دن اگر دولہا دلہن کسی مصیبت میں پھنس جائیں تو آپ اندازہ لگا سکتے ہیں کہ ان کے دل پر کیا گرزے گی۔
ارریہ ضلع کے فاربس گنج علاقے میں راستے میں پانی بھر جانے کی وجہ سے دلہن کو ڈرم کی کشتی بنا کر اس پر بٹھا کر وداع کیا گیا۔
تفصیلات کے مطابق فاربس گنج کے گرہا گاؤں سے دولہا اپنی دولہن سمیت بارات لے کر جوگبنی واپس لوٹ رہا تھا تبھی راستے میں پرمان ندی کا پانی سطح سے اوپر بہنے لگا اور سڑک ٹوٹ گئی، جس کی وجہ سے مقامی لوگوں نے دولہا اور دولہن کے لیے پانی کے ڈرم سے خصوصی کشتی بنائی اور اسی بٹھا کر روانہ کیا گیا۔
واضح رہے کہ فاربس گنج بلاک کے مٹیاری ہوتے ہوئے یہ سڑک کرسا کانٹا کو جوڑتی ہے مگر ارریہ میں لگاتار ہو رہی بارش سے ندیوں میں زبردست طغیانی ہے اور سڑکوں پر دو فٹ سے اوپر پانی بہہ رہا ہے۔
مگر دلہن کی وداعی کے اس عجیب و غریب واقعہ کو دیکھنے کے لیے مقامی لوگوں کی بھیڑ امڈ پڑی۔
