بہار اسمبلی انتخابات میں عظیم اتحاد اور این ڈی اے کے درمیان الزام تراشی کا دور جاری ہے اور آج وزیراعظم مودی بہار کے دورے پر ہیں لیکن ان کے یہاں آنے سے قبل ہی تیجسوی یادو نے ٹویٹ کے ذریعہ ان سے کئی سوال پوچھ لیے ہیں۔
تیجسوی نے پلاننگ کمیشن کی رپورٹ کا حوالہ دیتے ہوئے تعلیم، صحت اور ترقی کے معاملے پر سوالات اٹھائے ہیں۔
تیجسوی نے اپنے ٹویٹ میں کہا ہے کہ وزیراعظم آج بہار دورے پر آرہے ہیں تو بہار کے لوگ نہ صرف پر امید ہیں بلکہ انھیں یقین ہے کہ وہ صرف اور صرف بہار اور بہار کے عوام کی بہتری سے متعلق معاملے، مسئلے اور ان کے دور اقتدار میں کیے گئے کاموں پر اپنی منشأ کا اظہار کریں گے۔
انھوں نے پلاننگ کمیشن کی رپورٹ کا حوالہ دیتے ہوئے کہا کہ وزیراعظم کی آمد سے قبل بہار، تعلیم، صحت کے سبھی معیارات میں پسماندہ ریاست ہے۔
تیجسوی نے آخر میں کہا کہ 'وزیر اعظم کے بہار کے دورے سے پہلے میں ان سے بہار کی بہتری اور ترقی سے متعلق چند سوالات پوچھنا چاہتا ہوں کیونکہ ان کے ماتحت پلاننگ کمیشن کی رپورٹ کے مطابق تعلیم ، صحت اور ترقی کے تمام معیارات میں بہار بدترین ریاست ہے۔'