کیمور: بس اور ٹرک کے تصادم میں متعدد افراد زخمی

کیمور کے کیتھیا گاؤں کے قریب بس اور ٹرک کے درمیان ہوئے تصادم میں آدھا درجن افراد شدید طور سے زخمی ہو گئے ہیں۔ زخمیوں کو علاج کے لئے ہسپتال میں داخل کرایا گیا ہے۔

بہار کے ضلع کیمور کے کیتھیا گاؤں کے قریب بس اور ٹرک کے مابین تصادم میں ڈرائیور سمیت آدھا درجن افراد زخمی ہوگئے ہیں۔ حادثے میں زخمی ہوئے سبھی لوگوں کو علاج کے ہسپتال میں داخل کرایا گیا ہے۔

یہ واقعہ کیتھیا گاؤں کے قریب این ایچ 2 پر پیش آیا، جہاں بھبھوا سے پٹنہ جارہی بس سامنے سے آرہی ٹرک سے ٹکرا گئی۔

موقع پر پہنچی پولیس نے زخمیوں کو موہنیا سب ڈویژن اسپتال میں داخل کرایا جہاں کے ڈاکٹرز نے ابتدائی علاج کے بعد وارانسی ٹراما سینٹر ریفر کر دیا۔