تالاب میں ڈوبنے سے ایک بچے کی موت

ریاست بہار کے ضلع گیا میں ایک بچے کی پانی میں ڈوبنے کی وجہ سے موت ہوگئی ہے۔ لواحقین اور مقامی وارڈ کونسلر نے انتظامیہ پر عدم توجہی کاالزام عائد کیا ہے-

ریاست بہار کے ضلع گیا شہر کے گاندھی میدان میں واقع تالاب میں ڈوبنے سے ایک بچے کی موت کا واقعہ پیش آیا ہے۔

اطلاع کے مطابق شہر کے سول لائن تھانہ حدود میں واقع بنیا پوکھر محلے کا محمد راقب کھیلنے کے لئے گاندھی میدان گیاتھا، اسی دوران وہ گاندھی میدان میں واقع تالاب میں گرگیا جس سے اس کی موت ہوگئی ۔

محمد سجاد معاشی طورسے کمزور ہے، محمد راقب گھر کااکلوتا چراغ تھا۔ واقعے کے بعد پورا کنبہ غمگین ہے۔
مقامی وارڈ پارشدمحمد تبریز عرف جونی نے بتایا کہ راقب اسکول گیا تھا، چونکہ اسکول بارش کے پیش نظربندتھا اسلئے وہ گھر واپس آگیا۔

اسی دوران وہ گاندھی میدان میں کھیلنے چلاگیا، جہاں پرتالاب میں ڈوبنے سے اسکی موت واقع ہوگئی ہے۔

وارڈ پارشد نے انتظامیہ پر الزام عائد کیا ہے کہ راقب کی موت انتظامیہ کی عدم توجہی کی وجہ سے ہوئی ہے۔

پانچ دنوں سے ہورہی موسلادھار بارش کے باوجود انتظامیہ نے کھلے اور عوامی جگہوں پر گڈھے اور تالابو پر سائن بورڈ یا بیریکیڈنگ نہیں کرائی۔

پانی سے شہر لبالب ہے، ایسے میں پتہ نہیں چل پارہاہے کہ کہاں پانی زیادہ ہے اور کہاں کم ہے۔

بچہ کھیلتے کھیلتے تالاب میں جاگرا جسکی وجہ کراسکی موت ہوگئی۔

انہوں نے کہا کہ انتظامیہ اس معاملے کی نوٹس لے اور لواحقین کومناسب معاوضہ کی رقم دی جائے۔

ورنہ محلے کے باشندے سڑک پراتر کراحتجاج کریں گے-

لاش کونکال کر پولیس نے اسپتال میں پوسٹ مارٹم کے لئے بھیج دیا ہے-