بہار کے ضلع گیا کے امام گنج میں رہنے والے باشندہ پہلے ہی کورونا کے قہر کے سبب خوفزدہ ہیں لیکن اب برڈ فلو کے خدشے نے انھیں پہلے سے زیادہ خوفزدہ کردیا ہے۔
امام گنج بلاک کے سدھ پور پنچایت کے جمنا گاؤں میں آج اچانک متعدد کوے مردہ پائے گئے جس کے بعد علاقے میں ڈرکا ماحول قائم پیدا ہوگیا ہے۔
واقعہ کے بعد مقامی افراد نے فوری طور سے ویٹنری ڈاکٹر کو اطلاع دی ، جس کے بعد ڈاکٹروں کی ٹیم نے گاوں پہنچ کر مردہ کوؤں کی اموات کی تفتیش کی۔
سدھ پور پنچایت کے نائب مکھیا راجیش کمار نے بتایا کہ صبح ساڑھے نو بجے کے درمیان کوؤں کی موت کا معاملہ سامنے آیا ہے اس سے پہلے بھی کووں کی موت ہوئی تھی تاہم لوگوں نے اس پر توجہ نہیں دی۔ جب آج 7 کوے مردہ حالت میں پائے گئے تو علاقے کے لوگ تشویش میں مبتلا ہوگئے۔
امام گنج کے جانوروں کے ڈاکٹر نے بتایا کہ تمام مرنے والے کووں کو ایک جگہ اکٹھا کیا گیا ہے اور نمونہ لیکر ضلع ہیڈکواٹر پر جانچ کے لیے بھیج دیا گیا ہے۔
جس کے بعد پروٹوکول کو برقرار رکھتے ہوئے تمام مردہ کووں کو گڑھے میں دفن کر دیا گیا اور اوپر سے سینیٹائز کیا گیا ہے ۔ا
نہوں نے کہاکہ برڈ فلو سے مرنے کا امکان کم ہے کیونکہ زیادہ تر پرندے نہیں مرے ہیں اگر برڈ فلو ہو تا ہے تو اچانک سینکڑوں پرندے مرجاتے ہیں۔
