کیمور: درد ناک حادثے میں ایک ہلاک

ریاست بہار کے ضلع کیمور کے قومی شاہراہ پر ایک درد ناک واقعہ رونما ہوا۔ ٹرک کی زد میں بائک آ گئی جس سے ایک شخص ہلاک جبکہ دوسرا زخمی ہو گیا۔

اس حادثہ کے بعد قریب تین گھنٹہ تک شاہراہ جام رہا۔ مسافروں کو پریشانیوں کا سامنا کرنا پڑا۔

اطلاعات کے مطابق 'درگاوتی تھانہ حلقہ کے بھوریاں گاؤں باشندہ کنال سنگھ اور شیوم سنگھ درگاوتی کسی کام سے شاہراہ سے جا رہے تھے تبھی دھنیچھا کے پاس پہنچتے ہی سامنے سے آرہی ٹرک نے ٹکر مار دی۔

عینی شاہدین کے مطابق 'حادثہ کافی دردناک تھا۔ موقع واردات پر ہی کنال سنگھ ناگونشی کی موت ہو گئی جبکہ شیوم سنگھ بری طرح زخمی ہو گئے۔ شیوم سنگھ مقامی درگاوتی پی ایچ سی میں زیر علاج ہیں۔

حادثہ کے بعد مقامی لوگوں نے شاہراہ کو جام کر معاوضہ دینے کا مطالبہ کیا۔

اطلاع ملنے پر موقع پر پہنچے سرکل افسر نے معاوضہ دلانے کی یقین دہانی کرائی ہے۔