'گزشتہ کئی برسوں کے مقابلے اب ضلع ارریہ بہت آگے بڑھ رہا ہے'

ریاست بہار کے ضلع ارریہ میں 71واں یوم جمہوریہ کو کافی جوش و خروش کے ساتھ منایا گیا، ضلع کے سبھی سرکاری و غیر سرکاری دفاتر، اسکولز، کالجز و یونیورسٹیز میں پرچم کشائی کی گئی۔

ارریہ شہر کے سبھاش اسٹیڈیم میں صبح سے ہی عوام کا ہجوم جمع ہونے لگا، ضلع کلکٹر بیجناتھ یادو نے پرچم کشائی کے فریضہ کو انجام دیا، موقع پر ضلع انتظامیہ کے تمام اعلیٰ افسران موجود رہے۔

سب سے پہلے ضلع کلکٹر نے پریڈ کی سلامی لی، اس کے بعد پرچم کشائی ہوئی، اس موقع پر کئی دلچسپ جھانکی بھی نکالی گئی جس میں جل جیون ہریالی، ہسپتال، پی ایچ ای ڈی، ٹرانسپورٹ وغیرہ شعبوں کی جھانکی بطور خاص لوگوں نے پسند کیا۔

اس موقع پر ضلع کلکٹر بیجناتھ یادو نے ضلع کی ترقی سے متعلق کہا کہ گزشتہ کئی برسوں کے مقابلے اب ہمارا ضلع بہت آگے بڑھا ہے، حکومت سے ملنے والی اسکیموں کا لوگوں کو فائدہ مل رہا ہے، جل جیون ہریالی کے تحت ارریہ کو صاف اور خوبصورت بنانے کی کوشش کی جا رہی ہے۔

اس موقع پر نے سینئر صحافی روی کمار بھگت نے ای ٹی وی بھارت سے بات کی اور آج کے دن کا جائزہ لیا۔