Bihar Ram Navami Violence رام نومی پر بہار میں ہوئے فسادات حکومت کی نااہلی اور پولس کی لاپرواہی کا نتیجہ، اخترالایمان

کن اسمبلی اخترالایمان نے کہا کہ رام نومی کے اختتامی جلوس کے دوران بہار کے سہسرام اور نالندہ میں فرقہ وارانہ تشدد کا جو واقعہ پیش آیا ہے وہ نہ صرف قابل مذمت ہے بلکہ بہار کے پیشانی پر پھر سے ایک بدنما داغ ہے، یہ سراسر پولس کی لاپرواہی کا نتیجہ ہے کہ اب تک تشدد پھیلانے والوں کی گرفتاری عمل میں نہیں آئی ہے۔

گزشتہ کل رام نومی کے موقع پر بہار کے سہسرام اور نالندہ میں جس طرح سے فرقہ وارانہ کشیدگی کا ماحول دیکھنے کو ملا کہ ایک طبقہ کے لوگ دوسرے طبقہ پر سنگ باری اور گولی باری کر رہے ہیں وہ بھی پولس کی موجودگی میں اس سے یہ ظاہر ہوتا ہے کہ یہ سب منصوبہ بند سازش کا حصہ ہے، حالانکہ اس میں دو پولیس اہلکار زخمی بھی ہوئے ہیں، مذکورہ واقعات کے بعد حکومت کی نااہلی ایک بار پھر سے ثابت ہو گئی ہے. جبکہ اس پورے معاملے میں بہار پولس کی لاپرواہی بھی سامنے آئی ہے، حکومت کو چاہیے کہ وہ منصفانہ جانچ کراکر جو بھی قصور ہیں ان پر سخت سے سخت کارروائی کی جائے.

مذکورہ باتیں ایم آئی ایم کے ریاستی صدر و رکن اسمبلی اخترالایمان نے اپنی سرکاری رہائش گاہ پر پریس کانفرنس سے خطاب کرتے ہوئے صحافیوں سے کہی. انہوں نے کہا کہ رام نومی کے اختتامی جلوس کے دوران بہار کے سہسرام اور نالندہ میں فرقہ وارانہ تشدد کا جو واقعہ پیش آیا ہے وہ نہ صرف قابل مذمت ہے بلکہ بہار کے پیشانی پر پھر سے ایک بدنما داغ ہے، یہ سراسر پولس کی لاپرواہی کا نتیجہ ہے کہ اب تک تشدد پھیلانے والوں کی گرفتاری عمل میں نہیں آئی ہے، اقلیتوں کو نشانہ بنایا جا رہا ہے اور خود کو اقلیتوں کا مسیحا کہے جانے والی حکومت خاموشی اختیار کیے ہوئے ہے۔ اتنے بڑے فساد پر اب تک نہ وزیر اعلیٰ محترم نے لب کشائی کی ہے اور نہ نائب وزیر اعلیٰ اس کی مذمت کی ہے۔

اخترالایمان نے کہا کہ دراصل اس طرح کے فساد کرائے جا رہے ہیں کیونکہ انتخاب سامنے ہیں، اس میں دونوں این ڈی اے اتحاد اور عظیم اتحاد کے لوگ شامل ہیں اور دونوں کا مقصد ووٹ ہے۔ بھاجپا مسلمانوں کو نشانہ بنا کر اکثریتی فرقہ کو خوش رکھنے کی کوشش کر رہی ہے جبکہ عظیم اتحاد کے اس پر کارروائی نہ کر کے اقلیتوں کو اپنی طرف رکھنے پر مجبور کر رہے ہیں. اس لئے میری دنوں اتحاد کے لوگوں سے اپیل ہے کہ خدا کے واسطے اپنی سیاست کے لئے مسلمانوں کو بلی کا بکرہ نہ بنائیں۔ ایسا لگتا ہے کہ بہار میں اقلیتوں کو دبانے کی کوشش کی جا رہی ہے، مگر عظیم اتحاد کے لوگ یاد رکھیں ایسا کبھی نہیں ہو سکتا، اس لئے اس واقعہ میں جو لوگ بھی زخمی ہوئے ہیں حکومت اسے فوری طور پر مالی مدد کرے۔